Flamur Noka i ftuar në emisionin ‘Të Paekspozuarit’ në MCN TV ka folur lidhur me protestën e organizuar nesër nga opozita. Ai tha se vendi ndodhet në një kohë të vështirë dhe se shoqëria ka shumë arsye për të cilat duhet të protestojë.
Sipas tij PD ka nisur një aksion për të ecur drejt mosbindjes civile dhe do ti tregojë Ramës se opozitën nuk e shuan dot dhe se demokracia nuk është te parlamenti i Linditës por është te shqiptarët.
“Në këtë kohë të vështirë për vendin dhe media është në vështirësi. Asgjë nuk është e thjeshtë por koha ka vërtetuar se njerëzit guximshëm kur ngrihen dhe luftojnë gjithmonë fitojnë dhe në kohën ku jemi sot me një regjim më të egrin që ka pasur ndonjëherë Shqipëria pas Enver Hoxhës s’ka asnjë mundësi tjetër përveçse ta rrëmbesh dhe fitosh demokracinë. Sot Shqipëria është në ditët e saj më të errëta, sot shqiptarët kanë arsye madhore për të protestuar sepse shoqëria shqiptare sot është shoqëria më e dhunuar në Evropë, e vetmja në Evropë pa liri. Ajo që kam vënë re është varfëria e skajshme.
Gjendja e shoqërisë dhe vendit sot dhe ne jemi në kushte komode këtu ku flasim por jashtë këtyre mureve dhe jashtë qendrës së Tiranës situata është në kufijtë e të tmerrshmes ndaj shqiptarët kanë arsye dhe motive madhore për të reaguar. Është kërkuar që demokratët të reagojë dhe fakti që kjo qeveri ka mobilizuar si kurrë ndonjëherë trupa policore që do të thotë e ka sinjalizimin për protestën nesër.
Kemi njoftuar për protestë asgjë më tepër se protestë, një protestë madhështore. Ne nesër do i themi atyre se regjimi paguan pafund kundër opozitës dhe se demokracia s’ka lidhje me tellallët e tij dhe ekranet që ai ka blerë përmes të cilave mundohet të shuajë zërin e opozitës. Nesër do i japim rrugë kësaj revolte. Ne kemi nisur një aksion për të ecur drejt mosbindjes civile, betejë në parlament, protestë, një ditë tjetër marshim, revoltë drejt mosbindjes civile. Do i tregojmë këtij regjimi se opozitën nuk e shuan dot dhe se demokracia nuk është te parlamenti i Linditës por është te shqiptarët. Do i themi se demokracinë as me McGonigal dhe as ndonjë mjet tjetër se shuam dot.”, tha Noka
