Një 25-vjeçar i shpallur në kërkim për drogë është arrestuar nga policia në Tiranë.
Në pranga ka rënë shtetasi me iniciale M.B, i cili ishte dënuar me burg nga gjykata për veprën penale “Prodhimi dhe shitja e narkotikëve”.
Ai është kapur në rrugën “Myslym Shyri” në kryeqytet, në kuadër të operacionit policor “Tempulli 2”.
Njoftimi i policisë:
Shërbimet e Seksionit të Kërkimit në bashkëpunim me shërbimet për Hetimin e Narkotikëve, bazuar në informacionet e siguruara mbi vendndodhjen e një shtetasi të shpallur në kërkim në kuadër të megaoperacionit “Tempulli 2”, menjëherë kanë vijuar kontrollet intensive për kapjen dhe vënien e tij, përpara përgjegjësisë ligjore.
Si rezultat, në rrugën “Myslym Shyri”, u kap dhe u ndalua shtetasi M. B., 25 vjeç, banues në Tiranë.
Ky shtetas ishte shpallur në kërkim pasi Gjykata e Shkallës së Parë e Juridiksionit të Përgjithshëm Tiranë i ka caktuar masën e sigurisë “Arrest në burg”, për veprën penale “Prodhimi dhe shitja e narkotikëve”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
