“Fatkeqësisht, (hipoteza më e mundshme) është se ai u helmua për herë të dytë”. Kështu ka deklaruar gazetari investigativ, Christo Grozev njëherazi dhe mik i disidentit rus Alexei Navalny, i cili ndërroi jetë ditën e djeshme në burgun e Siberisë.
Ai ka ngritur dyshime në lidhje me vdekjen e opozitarit rus, kundërshtarit kryesor të presidentin Putin.
“Nuk kemi ende prova”- ka thënë Grozev, i cili hetoi mbi helmimin e Navalny-t katër vjet më parë. Ne kemi prova rrethanore në atë drejtim, njëra prej të cilave është: nëse do të ishte e vërtetë që, siç deklaroi qeveria ruse, se ai është rrëzuar në tokë për shkak të një mpiksje gjaku gjatë shëtitjes së tij në oborrin e burgut, ku janë provat? Ku janë provat vizuale?
Të gjitha burgjet në Rusi janë të pajisura me kamera vëzhgimi dhe deri më tani nuk kemi parë asgjë”. “E përsëris, kjo është vetëm rrethanore, por në këtë pikë gjithçka sugjeron se ai u vra me qëllim”, nënvizoi gazetari, për CNN.
Sipas agjencisë së lajmeve Tass gazetari i njohur është në listën e “të kërkuarve” të Ministrisë së Brendshme ruse.
