Një 35 vjeçar është arrestuar ditën e sotme në Fier, pasi është kapur duke qarkulluar me lëndë narkotike në makinë.
Blutë bëjnë me dije se në pranga ka rënë shtetasi Alban Budaj.
“Specialistët për Hetimin e Narkotikëve të DVP Fier, në vijim të veprimeve hetimore dhe procedurale të kryera në kuadër të operacionit të koduar “Tempulli 2”, arrestuan në flagrancë shtetasin A. B., 35 vjeç, banues në Fier, pasi gjatë kontrollit në automjetin që ai drejtonte, shërbimet e Policisë gjetën një sasi lënde të dyshuar narkotike cannabis sativa, e cila u sekuestrua në cilësinë e provës materiale”,- njofton Policia.
