Kreu i Lëvizjes për Zhvillim Kombëtar, Dashamir Shehi, tha këtë të premte në “Barometri”në Euronews Albania se nuk është dakord me sistemin aktual zgjedhor.
Ai ka propozuar që Shqipëria të jetë një zonë e vetme elektorale, pasi në një vend kaq të vogël, nuk është e nevojshme ndarja në 12 zona administrative, pasi në këtë formë, sipas Shehit vota e shumë qytetarëve humbet.
“Në radhë të parë sistemi vet, produkti politik i sistemit duhet të jetë i ndryshëm nga ky që është sot. Mua nuk më pëlqen. Është një vend i vogël që ndahet në 12 njësi administrative, kolegje elektorale, por ti vendosnim emrin europian, a thua se jemi vend i madh.
Ta thjeshtojmë këtë skemë e të bëjmë 3-4 kushtetuta na e lejon për të mirë të shqiptarëve. Shqiptarët do të përfitonin që vota që kanë votuar të mos u humbasë. Kjo është e thjeshtë nuk kërkon filozofi të madhe”,-tha Dashamir Shehi.
