Personi që shihni në foto është Ilir Koçilja, 35-vjeçari që vrau mesditën e kësaj të mërkure, 46-vjeçarin Halil Koka.
Ngjarja ndodhi në qytetin e Durrësit, në një trotuar buzë rrugës, ku fillimisht autori është konfliktuar me viktimën dhe më pas e ka goditur me thikë në pjesën e zemrës. Goditja ka rezultuar fatale për Halil Kokën.
Sakaq mësohet se autori, tashmë i shpallur në kërkim, rezulton me precedent të mëparshëm penal.
Policia ka marrë në pyetje 7 persona deri më tani që kanë parë ngjarjen.
