Kreu i Partisë së Lirisë, Ilir Meta ka folur për situatën e opozitës dhe aksionin opozitar, ku tashmë ka një bashkim të shumicës së deputetëve demokrat, me grupimet e Bardhit dhe Berishës që mbajtën një mbledhje në selinë e PD-së.
I pyetur nëse do të jetë i pranishëm në protestën e 20 shkurtit të thirrur nga Rithemelimi, ku pjesëmarrjan e ka konfirmuar edhe grupimi i Gazment Bardhit, Meta tha se PL do të jetë në mbështetje të të gjitha protestave qytetare në mbrojtje të demokracisë, pluralizmit politik dhe që i japin zë shqiptarëve të cilët vuajnë pasojat e narko-diktaturës.
“Partia e Lirisë ka qenë dhe do të jetë në mbështetje të të gjitha protestave qytetare por edhe politike në mbrojtje të demokracisë, pluralizmit politk dhe të cilat kërkojnë të japin zë të gjithë shqiptarëve të cilët po vuajnë pasojat e narko-diktaturës”, tha Meta.
