Gazetari, Andi Bushati, ka komentuar mbrëmjen e sotme bashkimin e opozitës.
I ftuar në Çim Peka Live në Syri Tv, Bushati u shpreh ndër të tjera se ky është një bashkim mekanik dhe jo ideor.
Bushati: “Ka dy gjëra, po do ta shofësh në sipërfaqe atë që ka ndodhur me opozitën, sot kemi tre lajme .
I pari që rreth 20 deputetë që refuzonin të futeshin në PD sot kanë njohur si seli të PD atë që njohin dhe shumica e demokratëve.
E dyta, kanë marrë pjesë në Këshillin Kombëtar të Rithemelimit, të vulës apo foltores, duke e njohur se kujt i takon vula.
Dhe e treta, që po bëjnë një lloj bashkimi, që unë në fakt e quaj bashkim artificial, për të dalë vetë për të takuar bazën dhe militantët.
Shqetësimi im është që kjo nuk është e mjaftueshme, është vetëm një bashkim sipërfaqësor, sepse janë njerëz që kanë një hendek të madh që i ndan.
Pra disa janë shumë kritikë ndaj diplomatëve amerikanë këtu, ca e quajnë veten aleati ynë strategjik, në të cilën ne jemi aleatë strategjikë, disa thonë Berisha nuk mund të na çojë në fitore kurrsesi, disa të tjerë thonë pa Berishën nuk e arrijmë fitoren kurrsesi .
Pra kemi pika ndarëse të mëdha mes dy grupeve dhe nuk mund të arrihet bashkimi duke thënë: Ne u bëmë bashkë se kemi inat Edi Ramën.
Që të bëhen bashkë, në optikën time, kjo patjetër do një platformë politike një platformë politike e cila kalon përmes njohjes dhe institucionalizimit të fraksioneve.
Pra kush është minorancë dhe kush është mazhorancë. Minorancës i duhen njohur të gjitha të drejtat, nga listat për deputetë, nga pjesëmarrja në kryesi, në Këshill Kombëtar, etj etj.
Pra bashkimi duhet të jetë dhe ideor, jo mekanik.
