Banorët e Fllakës në Durrës dolën sërish në protestë këtë të shtunë, duke kundërshtuar punimet e një firme e cila ka fituar një tender për rrugën hyrëse të kësaj zone.
Banorët kërkojnë që të kenë akses në këtë rrugë dhe ajo mos të bllokohet siç e parashikon projekti aktual, por të ketë dalje për çdo lagje.
Sipas tyre, mbikalimi që do të ndërtohet nëse nuk i jep zgjidhje. Protestuesit thanë se nuk kanë asnjë shkresë që të njihen si banorë me projektin, ndërsa shtuan se nuk kanë marrë asnjë reagim nga bashkia e Durrësit.
“Nëse bëhet kjo rrugë, na bllokohet kalimi. Çojmë fëmijët në shkollë, kemi punën. I bie që të shkojmë në shtëpi me helikopter”, tha një prej protestuesve për mediat.
