Disa predha të vjetra luftarake janë gjetur mëngjesin e kësaj të premte në fshatin Xibrakë të Elbasanit. Raportohet se predhat janë gjetur në një pjesë të rrugës që lidh Elbasanin me Librazhdin, dhe dyshohet se janë të kohës së Luftës së Dytë Botërore.
Ato janë konstatuar nga inxhinieri i një firme, që po ndërton këtë aks rrugor. Predhat janë marrë nga ekspertët e repartit të xhenios pranë Forcave të Armatosura për tu demontuar.
