“Je tradhëtar, je i pabesë, je i paburrë”, kështu ju drejtua deputeti Flamur Noka, kryetarit të së vulës Lulzim Basha në momentin që ky i fundit po largohej nga parlamenti pasi propozimi i tij për ti dhënë 50 milionë dollarë ndihmë ushtarake kosovës, u rrëzua me votë nga socialistët.
Seanca e ditës së sotme vijoi me tensione, ku deputetët e opozitës kanë vijuar me aksionin e tyre opozitar, ndërsa deputetët socialist votonin pro projektligjeve të cilat ishin në rendin e ditës.
Ndryshe nga herë të tjera të pranishëm ishin edhe deputetët demokrat mbështetës të Lulzim Bashës, të cilët qendruan të ulur në sallë deri në momentin kur propozimet e tyre u rrëzuan me votë. Më pas u larguan.
