Shorti i Ligës së Kombeve hodhi në të njëjtin grup Italinë, Francën dhe Belgjikën, me Izraelin mes tyre.
Pas shortit, trajneri i kombëtares italiane, Luciano Spalletti, ka deklaruar se skuadra e tij është mësuar me përballje të vështira dhe se kjo do t’i shërbejë ekipit për tu rritur akoma më shumë.
“Po, por ne jemi mësuar me këtë lloj shorti. Në këtë mënyrë ne kemi një ide se si duhet të jetë sjellja jonë kur të dalim në fushë.”
“Ky kompeticion është krijuar në një mënyrë inteligjente për të ngritur nivelin e skuadrave që e luajnë. Këto ndeshje këtu të japin mundësinë të përmirësohesh gjithnjë e më shumë”.
A është Franca kundërshtari më i fortë? Po, sepse është kombëtare që ka një histori të rëndësishme. Gjithmonë përballjet me ta kanë qenë të forta, të japin shumë motivim.”
