Sekretarja e Thesarit e SHBA, Janet Yellen tha të enjten se sistemi bankar i vendit është “i mirëkapitalizuar” edhe pse disa banka përballen me strese që rrjedhin nga sektori i pasurive të paluajtshme komerciale.
Yellen i bëri komentet në një seancë dëgjimore në Kongres, ku shtoi se rregullatorët po monitorojnë rreziqet nga huadhënësit hipotekor jobankar dhe autoritetet planifikojnë të forcojnë mbikëqyrjen mbi këshilltarët e investimeve. Në fillim të kësaj jave, Yellen shprehu shqetësim për sektorin e pronave komerciale, duke thënë se mbikëqyrësit bankarë po punojnë me institucionet për të menaxhuar sfidat.
Shqetësimi është se ndërsa kreditë e pasurive të paluajtshme komerciale vijnë në afat, ato do të duhet të rifinancohen në një mjedis me tarifa më të larta interesi, vlerësime më të ulëta dhe ku normat e vendeve të lira të punës po rriten duke shtuar presionin mbi sistemin.
“Normat e vendeve të lira në ndërtesat e zyrave, veçanërisht në zonat metropolitane, janë rritur“, i tha Yellen Komisionit të Senatit për Bankat, Strehimin dhe Çështjet Urbane.
“Ka disa rreziqe dhe disa institucione që do të përballen me stres nga pasuritë e paluajtshme komerciale. Për disa banka, kjo do të jetë një shqetësim. Por në bilanc do të thosha se sistemi është i mirëkapitalizuar“, tha Yellen.
Në seancën dëgjimore, Yellen tha gjithashtu se rregullatorët po shohin rreziqet që lidhen me huadhënësit e hipotekave jo-bankare.
