Deputetët e Partisë Demokratike po tentojnë të futen në Kuvend për seancën e sotme plenare, teksa nuk janë lejuar tek dera e jashtme nga Garda e Republikës.
Kjo për shkak se po tentojnë të futen në Kuvend edhe deputetët e përjashtuar nga mazhoranca, ku janë thuajse gjysma e deputetëve të opozitës. Deputetët janë përplasur edhe fizikisht me gardistët.4
Deputetët si Ervin Salianji, Flamur Noka, Albana Vokshi dhe të tjerë kanë debatuar me gardën.
“Nuk është kazermë këtu. Nuk është kapanon ky! Nuk mund të bllokosh deputetët të futen në parlament. Parlamenti për deputetët, kazerma për ushtarakët”, dëgjohet të thotë deputeti Salianji.
Gjithashtu, janë etiketuar edhe si “rrugaçë” gardistët që po i shërbejnë Ramës duke u përplasur me deputetët.
Deputetët e përjashtuar janë : Ervin Salianji, Albana Vokshi, Sorina Koti, Elda Hoti, Lindita Metaliaj, Isuf Çela, Tritan Shehu, Lefter Gështenja, Helidon Bushati, Xhelal Mziu, Edmon Spaho, Oerd Bylykbashi, Saimir Korreshi, Kasëm Mahmutaj, Ramadan Likaj, Kastriot Piroli, Qani Xhafa, Lodovik Hasani, Luan Baçi.
Gjithashtu, jashtë Kuvendi po mbahet edhe protesta e demokratëve e thirrur nga PD.
