“Tim” nuk do të jetë më sponsor i kampionatit italian të futbollit. Serie A duke filluar nga sezoni i ardhshëm do të nisë një bashkëpunim të ri, duke ndryshuar sponsorin kryesor. “Enilive” do të jetë sponsori i ri i Serie A.
Ky ndryshim vjen pas 26 vitesh, pasi kujtojmë që “Tim” ka qenë pjesë e Serie A që nga sezoni i largët 1998-1999. Teksa mediat italiane raportojnë se në garën e sponsorit të sezonit të ardhshëm, “Enilive” kaloi “Tim”. Marrëveshja do të jetë e vlefshme për 3 vitet e ardhshme, por kanë edhe opsion rinovimi.
Teksa lajmin që do të jenë sponsori i ri i Seria A, e kanë bërë të ditur vetë përfaqësuesit e kompanisë “Enilive” me anë të një deklarate, në të cilën shkruajnë:
“Enilive, kompania Eni e përkushtuar ndaj produkteve dhe shërbimeve të lëvizshmërisë, do të jetë sponsori titullar i Serisë A nga kampionati 2024-2025, për tre sezone. Enilive shpreh entuziazëm të madh për fillimin e partneritetit me kampionatin e Serie A, i cili do të lejojë kompaninë të jetë gjithnjë e më afër të gjithë italianëve dhe të rrisë ndërgjegjësimin për markën e re dhe transformimin që ajo përfaqëson për miliona klientë që tashmë frekuentojnë dhe përjetojnë çdo ditë rrjetin tonë të gjerë të stacioneve të shërbimit”.
