Analisti Andi Bushati ka folur për zhvillimet politike post dëshmisë së ish-zëvendës kryeministrit Arben Ahmetaj, ku akuzon kryeministrin Edi Rama dhe kryebashkiakun e Tiranës Erion Veliaj për kërcënimet e tyre me jetë ndaj ish-numrit 2 të qeverisë.
Sipas Bushatit, Alqi Bllako, Lefter Koka, Taulant Tusha, Arben Ahmetaj janë “koka turku” dhe ka një përpjekje për të bërë disa viktima për të shpëtuar hajdutin e madh.
“Çfarë po kuptojmë ne këtu! Alqi Bllako, Lefter Koka, Taulant Tusha, Arben Ahmetaj janë koka turku. Ka një përpjekje për të bërë disa viktima për të shpëtuar hajdutin e madh. Kjo gjë tani ulëret nga të gjitha anët sepse dosjen e kemi lexuar të gjithë para se të fliste Arben Ahmetaj nqs ti një njeri që nuk ka firmë do ta burgosësh dhe Edi Ramën që jep bonus për një firmë që e ekziston nuk i bën hetim pasuror, pra këtij që nuk ka firma në dosje i nis hetim pasuror, Edi Ramën që ka firmë të vetën që i hedh ashtu siç e tha vetë fap fap fap, nuk i bën hetim pasuror. Erion Veliaj ka firmë të vetën që ka anashkaluar Këshillin Bashkiak, nuk i bën hetim pasuror por i bën Arben Ahmetajt hetimi pasuror.
Pra që këtu kemi një tentativë nga këta langaraqët e SPAK-ut, këtu nuk ka ngelur shqiptar që nuk e di që me inceneratorët është bërë deti kos, mo po janë paguar media, fushata të PS, janë blerë zgjedhje, janë blerë lobistë e të gjitha përveç lekëve që kanë futur vetë në xhep.
Dhe meqë këtu është bërë deti kos, çfarë duhet të bëjmë, ne nuk duhet të kapim hajdutin e madh por do i hedhim hi syve shqiptarëve që ne i dhamë fund pandëshkueshmërisë duke goditur Taulant Tushën, Lefter Kokën, Arben Ahmetajn, ndërkohë që i japim fund pandëshkueshmërisë duke amnistuar hajdutin e madh, kaq është historia e SPAK.
Me vërte intervista e Ahmetaj pati vlerë politike për të na treguar se kush është bataku i rilindjes por ka vlerë edhe nga pikëpamja e zbardhjes së kësaj dosjes.
Se kur Arben Ahmetaj thotë se nuk kam unë fuqinë edhe po ti kem shok dy Klodianët të vë gjithë shtetin në punë, e jep shumë qartë. Dhe unë po të isha prokuror i SPAK që të ruaja një lloj fytyre, do nxitoja me vrap të merrja në pyetje Arben Ahmetajn, ç’janë këto akuza për Edi Ramën, ç’janë këta pronarë të fshehtë ai Blerimi Blerimi, pra SPAK thotë ku na kapi ne ky hall që foli Arben Ahmetaj dhe ne duhet të zbardhim një gjë që duam ta varrosim.”, tha Bushati per Syri tv.
