Forcat Operacionale të Policisë së Shtetit, në bashkëpunim me njësinë “Fast Albania” dhe blutë e komisariatit të Mirditës kanë arrestuar një të ri të shpallur në kërkim ndërkombëtar nga autoritetet italiane.]
Në kuadër të operacionit policor të koduar “Hidden” është vënë në pranga shtetasi G. J. 22 vjeç, banues në Mirditë, i cili qëndronte në një banesë në Rrëshen.
“Ky shtetas ishte shpallur në kërkim ndërkombëtar pasi, Gjykata e hetimeve paraprake në Milano, Itali, me vendim penal të datës 03.11.2023, ka caktuar ndaj tij masën e sigurisë “arrest me burg”, i akuzuar për veprat penale “Organizatë kriminale” dhe “Trafikim i lëndëve narkotike’ kryer në bashkëpunim”, parashikuar nga nenet e Kodit Penal Italian.” – thuhet në njoftimin e Policisë
Interpol Tirana vijon procedurat për ekstradimin e këtij shtetasi drejt Italisë.
