Një 30-vjeçar është arrestuar nga Policia e Tiranës, pasi shiste në rrugë, me çmime fiktive, ora dhe sende të tjera të markave të shtrenjta.
Në kuadër të operacionit policor të koduar “Okazion” është vënë në pranga shtetasi Xhuliano Lyto, nga Tirana, i cili është kapur në flagrancë në rrugën “Reshit Çollaku” në kryeqytet.
“Shërbimet e Policisë i gjetën dhe i sekuestruan në cilësinë e provës materiale, 30-vjeçarit, 25 ora dhe 2 stilolapsa të markave të ndryshme, të shtrenjta. Sendet, të dyshuara të kontrabanduara, shiteshin nga ky shtetas, me çmime fiktive dhe pa fatura. Në vijim, u referuan materialet në Prokurori dhe për përcaktimin e përgjëgjësisë penale të punonjësve të Drejtorisë Vendore të Tatimeve Tiranë, që mbulojnë zonën ku shiste shtetasi Xhuliano Lyto.” – thuhet në njoftimin e bluve të Tiranës
Materialet procedurale i kaluan Prokurorisë së Tiranës për veprime të mëtejshme.
