Analisti Fatos Lubonja, ka komentuar deklaratat e ish-zv. kryeministrit Arben Ahmetaj i cili mbrëmjen e sotme theu heshtjen duke dhënë një intervistë publike.
Në një lidhje për studion e “Open” në News24, ai u shpreh se nga deklaratat e Ahmetajt mund të dalin pjesë që ndihmojnë drejtësinë në hetimet e mëtejshme, ndërsa theksoi faktin se ai nuk mendon se ish-zv.kryeministri që flet si i penduar nuk është i pafajshëm, pasi sipas tij ka qenë pjesë e asaj bande.
“Është situata e një njeriu që nuk mund të konsiderohet që po flet si i penduar, por flet si i pafajshëm dhe i akuzuar padrejtësisht. Nuk mendoj se është i pafajshëm, ka qenë pjesë e asaj bande, ka qenë numri 2. Kur thotë që afera do shkojë shumë lart, më lart se numri 2 është numri 1.
Fakti që këtyre u ka ikur numri 2 në këtë mënyrë, flet shumë. Nuk na ka thënë si funksionon mekanizmi, ai di shumë. Llahtarisja që thotë ai është retorike, llahtari është ikja e tij. Le të përballej me drejtëisnë. Nga ato që thotë ai dalin gjëra megjithatë. Drejtësia kështu funksionon. Nga dëshmitë kontradiktore. Ai ka përmendur një njeri që ka 40% të inceneratorëve në pronësi që është jashtë shtetit”, u shpreh Lubonja.
