Ish-numri dy i qeverisë Arben Ahmetaj, ka deklaruar se televizioni “Top Channel” është paguar nga inceneratorët dhe është kontrolluar nga kryeministri Edi Rama për ta goditur atë politikisht.
Ahmetaj tha se këto sulme kanë ardhur kur televizioni kishte procesin për pronësinë në Gjykatën e Lartë. Dhe sipas tij, pas sulmeve qëndronte kryeministri Edi Rama.
“Foli dhe për goditjen nga Top Channel. E filloi goditjen tha kur kishte procesin në gjykatë të lartë. E mbajti tre muaj goditjen time. E vuri dhe reklamë në Big Brother. Cili ishte korrupsioni im? Tre muaj ai televizion nuk ka mbajtur luftën e Kosovës as të Ukrainës, por më mbajti mua. Nga njëra anë thoshte se unë isha armiku i tyre, por unë kam qenë mik i Tanit. Madje para se të humbte jetën po diskutonim që të isha dhe në strukturë. Por Topi u përdor, ishte i frymëzuar politikisht për të më goditur. U përdor nga Edi Rama për të më goditur. Mos pyet, unë nuk e fsheh. Nuk ka frikë të them se Top Channel u përdor nga Edi Rama”, deklaroi Ahmetaj në një intervistë për “Çim Peka Live”, transmetuar këtë të enjte.
Ai zbuloi edhe si televizioni është përdorur për të goditur të tjerë personazhe të qeverisë dhe Partisë Socialiste me urdhër të kreut të qeverisë.
“Rama ka bërë takime me Top Channel dy ditë para. Tre muaj Topi kthehet në përdorim instrumental nga politika dhe incenerator. Eështë bërë Top Story për Ditmor Bushatin, ia ka kërkuar edi rama. Është bërë për Fatmir Xhafën, ia ka kërkuar Edi Rama. Për Niko Peleshin, ja ka kërkuar Edi Rama. Me nëj mikune tij të ngushtë i dërgova haber dhe i thashë ‘stop.’ E kuptoj që ti nuk do të jem pjesë e kryesisë tendë, por ‘stop’, ke zënë derën e shtëpisë sime. Ia kam dëtguar këtë haber. Dëshira për kokë turku dhe urrejtja se ndoshta jam një format tjetër, ndoshta e bëri të shkonte deri aty”, tha Ahmetaj, i cili më tej u shpreh se është kërcënuar disa herë.
“Kam marrë 3 kërcënime nga njerëz të panjohur. Një kërcënim ishte me telefon nga burgu, dy janë kërcënime fizike të drejtpërdrejta, një kërcënim është bërë ndaj bashkëjetueses sime, kur ndodhej me fëmijën te liqeni. Çfarë do të bëja unë?”, tha Ahmetaj.
Ai shtoi se këto kërcënime i ka ndarë me shërbimet sekrete dhe diplomatët, ndërsa i konsideroi si sulme të motivuara politikisht në një kohë kur Rama, sipas tij, përbetohej se “do e çonte në të sëmës”.
