Nënkryetari i Partisë Demokratike, Luçiano Boçi, ka folur pasditen e sotme mbi reformën zgjedhore dhe aksionin e opozitës.
I ftuar në ‘Edicionin e Pasdites’ në Syri TV, Boçi, është shprehur se mazhoranca tenton që ta kufizojë dhe pengojë punën e komisionit, duke luajtur rolin e të paditurës dhe duke e atashuar problemin tek opozita.
Deklarata e tij: ‘Ruajta e këtij kodi zgjedhor që është aktual i intereson pikërisht mazhorancës që ka dëshmuar që brenda këtij kodi, mënyra se si është rregulluar ai, mund të blejë votën, të përdori edhe burimet kriminale të administratës apo të skalioneve të bandave me qëllim që të arrijë rezultatet elektorale.
Në bazë të këtij skenari, mazhoranca tenton që ta kufizojë dhe pengojë punën e komisionit, duke luajtur rolin e të paditurës dhe duke e atashuar problemin tek opozita, tek mosmarrja vesh e saj tek çështja e moskryetarit.
Grupi i madh është ai që është propozuesi i bashkë-kryetarit, pasi ai përfaqëson pjesën më të madhe të opozitës dhe që sigurisht shpeh interesin kryesor që të merren masa brenda kodit zgjedhor që shqiptarëve ti jepet një process i lirë zgjedhor dhe i padeformuar përmes shitjes, blerjes apo mënyrave të tjerave që unë i thashë.
Shihet qartazi se mazhoranca nuk ka vullnet dhe kërkohet që të dalë në fushë me kodin zgjedhor aktual.
Ky vullnet ka munguar deri tani, por është shfaqur në një mënyrë të papritur pasi ka kohë që është ndërtuar dhe ka kohë që grupi parlamentar ka kërkuar ndryshimin e grupit të përfaqësimit dhe të kryetarit.
