Një ngjarje e rëndë është regjistruar këtë të mërkurë në fshatin Kovashicë të Bulqizës, ku një elektricist ka humbur jetën në krye të detyrës.
Burime bëjnë me dije se viktima është shtetasi Ylli Boba, 33 vjeç. Teksa ka qenë duke punuar, mësohet se elektricisti ka rënë nga shtylla elektrike dhe është dërguar me urgjencë në spital.
Fatkeqësisht, ai nuk u ka mbijetuar dot plagëve të marra dhe për pasojë ka humbur jetën. Grupi hetimor po kryen hetimet në vendngjarje dhe po punohet për zbardhjen e rrethanave të kësaj ngjarjeje.
