Grabitqarët seksualë. Karakteristikat e varësisë. Vetëdëmtimi dhe çrregullimet e të ngrënit. Standarde joreale të bukurisë. Ngacmimi. Këto janë vetëm disa nga çështjet me të cilat të rinjtë po merren në mediat sociale dhe avokatët dhe ligjvënësit e fëmijëve thonë se kompanitë nuk po bëjnë mjaft për t’i mbrojtur ata.
Të mërkurën, CEO të Meta, TikTok, X, Snapchat dhe kompanive të tjera të mediave sociale, dëshmuan para Komisionit Gjyqësor të Senatit amerikan për shfrytëzimin e fëmijëve në platformat e tyre, ndërsa ligjvënësit, familjet dhe avokatët po shqetësohen gjithnjë e më shumë për efektet e mediave sociale në jetën e të rinjve.
Mark Zuckerberg Drejtor i Përgjithshëm i Meta, ka kërkuar falje familjeve të pranishme në seancën e Komititetit Gjyqësor të Senatit.
Shefat e kompanive të mëdha të teknologjisë akuzohen për dëme të mundshme nga produktete e tyre tek adoleshentët, duke përfshirë shqetësimin se rrezikon ti çojë ata në depresion apo edhe në ngjarje fatale si vetëvrasje.
Zuckerberg tha se i vjen keq qe gjërat kanë shkuar kështu për familjet tuaja.
“Më vjen keq për gjithçka që keni kaluar. Askush nuk duhet t’i kalojë gjërat që kanë vuajtur familjet tuaja dhe kjo është arsyeja pse ne investojmë kaq shumë dhe do të vazhdojmë të bëjmë përpjekje në të gjithë industrinë për t’u siguruar që askush nuk duhet të kalojë gjërat që kanë vuajtur familjet tuaja.”
Si përgjigje ndaj faljes së kërkuar nga ana e Zuckerberg, Senatori republikan Josh Hawey i bëri thirrje atij që si miliarder të “kompesojë” familjet, fëmijët e të cilëve janë prekur nga platformat e tij.
“No one should have to go through the things that your families have suffered,” Mark Zuckerberg said at a Senate Judiciary Committee hearing. https://t.co/tqPeWKQEYp pic.twitter.com/exLE4DVyWs
— Fortune 500 (@Fortune500) January 31, 2024
