Meta ka zbuluar linjën e re të syzeve inteligjente “Ray-Ban Display”, një aksesor që kombinon ekran me ngjyra të plota, kamerë 12 megapikselëshe dhe një byzylyk nervor që lejon kontrollin me gjeste të dorës.
Mark Zuckerberg tha se këto syze synojnë të integrojnë inteligjencën artificiale të Metës në jetën e përditshme të përdoruesve, duke mundësuar video-thirrje, shikim mesazhesh dhe detyra të tjera pa prekur telefonin.
Syzet do të dalin në dyqane këtë muaj me çmim 799 dollarë, dukshëm më të shtrenjta se modelet e tjera inteligjente të Metës.
Ndërkohë, Meta është nën presion publik. Protesta në selinë e kompanisë në Nju Jork kërkojnë më shumë mbrojtje për fëmijët në platformat e saj, pas pretendimeve nga ish-hulumtues të sigurisë që kompania ka fshehur efektet negative të teknologjisë VR te të rinjtë.
Meta ka mohuar akuzat, duke theksuar se synon të ruajë balancën mes inovacionit teknologjik dhe përgjegjësisë sociale.
