Anëtari i Kryesisë së Partisë Demokratike, Belind Këlliçi, ka reaguar pas shifrave alarmante sa i përket nivelit të ndotjes në Tiranë.
Përmes një postimi në rrjete sociale, Këlliçi është shprehur se në kafenetë buzë rrugëve kryesore të Tiranës prania e grimcave është 33.6-92.6 mikrogram/m³, nga mikrogram/m³ që është norma e rekomanduar nga OBSH.
Ai ngre alarmin se këto grimca mund të shkaktojnë sëmundje që mund të rezultojnë edhe fatale, ndërsa e ka cilësuar Tiranën si Kryeqyteti Europian i Ndotjes dhe Vdekjes.
Postimi:
Tirana e Erionbetonit – Kryeqyteti Europian i Ndotjes dhe Vdekjes
Prof. Besnik Baraj, ish Deputet dhe figurë qëndrore e PS, ka kryer disa matje të ndotjes në kryeqytet. Nga to rezulton se:
Në kafenetë buzë rrugëve kryesore të Tiranës prania e grimcave është 33.6-92.6 mikrogram/m³, nga mikrogram/m³ që është norma e rekomanduar nga #OBSH.
Në qendrat tregtare dhe në vendet e parkimit është 352 mikrogram/m³. Shumëfish më e lartë!
Në stacione të Tiranës, nga ora 3 deri në 5 të mëngjesit, vlerat janë 31.7–78 mikrogram/m³.
Pra në asnjë rast më e vogël se norma e OBSH.
Këto grimca shkaktojnë sëmundje të rënda si hemoragjitë cerebrale, kanceri, infarktet, etj.
Epo, shëndeti i parë për Partinë!
Ju rujtë Zoti!
