Një 36-vjeçar me iniciale G.B, ka ndërruar jetë mëngjesin e sotëm në Pogradec. Mësohet se ai punonte në një fasoneri dhe sapo ka mbërritur në vendin e punës, është ndjerë keq dhe u dërgua menjëherë në spitalin e Pogradecit, aty ku humbi edhe jetën.
Paraprakisht dyshohet se ka pësuar arrest kardiak por trupi do t’i nënshtrohet ekspertizës së mjeko ligjorit për të përcaktuar shkakun.
Ndërkohë po kryhen veprime edhe nga policia për zbardhjen e plotë të rrethanave.
