Interpol Roma kërkon ekstradimin e 36-vjeçarit nga Vlora, Armand Lushaj (Jazaj), pasi është dënuar nga autoritetet italiane për trafik të lëndëve narkotike.
Aktualisht 36-vjeçari ndodhet në burgun e Fierit, pasi në vitin 2020, në lagjen “29 Nëntori” në Vlorë, ai ka tentuar të vrasë me armë zjarri pistoletë, shtetasin A. Xh., të cilin e ka lënë të plagosur. Ndaj Armand Lushaj (Jazaj), Gjykata e Vlorës ka caktuar masën e sigurisë “Arrest në burg”, për veprat penale “Vrasja me dashje, mbetur në tentativë, dhe “Prodhimi dhe mbajtja pa leje e armëve, armëve shpërthyese dhe i municionit”.
Por, Gjykata e Apelit të Firences e ka dënuar me 9 vjet burgim (pjesa e mbetur e dënimit, 7 vjet, 8 muaj e 4 ditë burgim), për veprën penale “Trafikimi i narkotikëve”, e parashikuar nga Kodi Penal i Italisë.
Policia njofton se u bë arrestimi provizor i tij në burg me qëllim ekstradimin drejt Italisë. Armand Lushaj (Jazaj) është arrestuar në Greqi në muajin korrik të vitit 2023 dhe është ekstraduar nga Greqia për në Shqipëri.
