Vendimi i Gjykatës Kushtetuese që i çeli dritën jeshile marrëveshjes Rama – Meloni për emigrantët u raportua gjerësisht dhe nga mediat italiane.
RAI citon se marrëveshja mes Tiranës dhe Romës “nuk dëmton integritetin territorial të Shqipërisë”, por sipas medias së njohur italiane “gjykata shpërfilli kritikat e OJQ-ve dhe të opozitës shqiptare kundër hapjes në territorin e Republikës Ballkanike të dy qendrave të mëdha të pritjes për migrantët”. Edhe “Il Fatto Quotidiano” i ka kushtuar hapësirë argumenteve të gjykatës ka cituar kryetaren Holta Zacaj, sipas së cilës marrëveshja është “në përputhje me Kushtetutën”. Mediat e njohur italiane sjell në vëmendje deklaratën e Komisionerilt të Lartë të Kombeve të Bashkuara për të Drejtat e Njeriut, Volker Türk që shprehu shqetësimin e tij për marrëveshjen
“Këto transferime në Shqipëri për të përmbushur procedurat e azilit dhe kthimit, shmangin çështjet e rëndësishme të të drejtave të njeriut, veçanërisht lirinë nga ndalimi arbitrar dhe nevojën për të siguruar procedura adekuate të azilit, duke përfshirë kontrollin dhe identifikimin” – tha Türk.
Përveç raportimit të asaj që ka ndodhur, “Corriere della Sera” nënvizon edhe faktin se marrëveshja u miratua me 5 vota pro dhe 4 kundër nga Gjykata Kushtetuese. Debatet, thuhet në raportim, kanë qenë të ashpra dhe kanë zgjatur disa orë.
Pas vendimit të Gjykatës shqiptare ka reaguar Sara Kelany, relatore në Dhomën e Deputetëve, përfaqësuese e “Fratelli d’Italia”.
“Shqipëria do të përmbyllë brenda pak ditësh procesin parlamentar dhe me kalimin e projektligjit të ratifikimit edhe në Senat do të jemi gati të shkëmbejmë nota dhe të nisim projektin. E majta italiane, e cila ditët e fundit ka qenë e zënë duke kërkuar ndalimin e procesit parlamentar të miratimit të traktatit me supozimin e rremë se Gjykata Kushtetuese shqiptare ka sanksionuar antikushtetutshmërinë e tij ka dëshmuar edhe një herë se është e gabuar”, – tha ajo.
