Një pensioniste 72-vjeçare është burgosur nga autoritetet ruse pasi bëri kritika ndaj presidentit Putin dhe luftës së tij në Ukrainë.
Yevgeniya Maiboroda, nga rajoni i Rostovit, do të vuajë pesë vjet e gjysmë pas hekurave për dy postime në mediat sociale, në një nga dënimet më të rënda që nga fillimi i luftës pothuajse dy vjet më parë.
Dënimi i ashpër është pjesë e ligjit rus që ndalon informacionet e rreme për ushtrinë e Putinit dhe është interpretuar si një paralajmërim për të tjerët nga qeveria.
Maiboroda pranoi se kishte ripostuar materiale në llogarinë e saj të mediave sociale por mohoi se ajo ishte e motivuar nga ‘urrejtja politike’ siç pretendonin prokurorët.
