Policia e Tiranës ka arrestuar një 27-vjeçar që shiste lëndë narkotike afër një fushe sportive, që frekuentohet nga nxënës shkolle.
Në rrugën “Mati Logoreci”, në Laprakë u kap dhe arrestua në flagrancë shtetasi R. H., 27 vjeç, banues në Tiranë.
Nga verifikimet e kryera ka rezultuar se ky shtetas e siguronte lëndën narkotike në sasi dhe më pas e ndante në doza, të cilat i shiste në afërsi të fushës sportive, në Laprakë, e cila frekuentohet nga nxënës shkolle, njoftoi policia.
Në cilësinë e provës materiale u sekuestruan 63 doza me kanabis, të cilat 27-vjeçari i kishte fshehur në sahatin e ujit, në një pallat afër fushës së Laprakës.
