Përmes një kasete të gatshme të shpërndarë për mediat, kreu i Bashkisë së Tiranës, Erion Veliaj bën me dije se ka mbjellë 10 mijë fidanë akacie në Shëngjergj me rastin e 101-vjetorit të themelimit të institucionit të Shërbimit Pyjor.
Nuk dihet nëse këto 10 mijë pemë në Shëngjergj, Veliaj i ka mbjellë brenda ditës së sotme, për një javë apo gjatë tre mandateve të tij në krye të Bashkisë, teksa aksionit të sotëm të propagandës i është bashkuar dhe ministrja e Turizmit Mirela Kumbaro.
Për këtë rast ka reaguar me ironi anëtari i Kryesisë së PD-së Belind Këlliçi, nisur nga fakti që Veliaj e ekzagjeron me shifrat e mbjelljes së pemëve në Tiranë, pasi qytetarët shohin që çdo ditë mbijnë vetëm kulla.
“Meme e gatshme “” Vetëm 10.000 pemë paska mbjellë sot…” – shkruan Këlliçi me ironi në një postim në rrjetet sociale.
