Rrjetet sociale padiskutim janë mënyra më e shpejtë për të komunikuar me personat që i kemi larg, por shpesh të dhënat tonat personale përfundojnë duke u keqpërdorur nga përdorues të ndryshëm në internet.
Një rast i ngjashëm ka ndodhur në Gjirokastër. Një 22-vjeçare ka denoncuar në polici se i kanë hapur një adresë false në instagram dhe po i keqpërdorin të dhënat.
“Specialistët për Hetimin e Krimeve Kirbernetike të DVP Gjirokastër referuan materialet në Prokurori dhe po punojnë për të zbardhur një rast të keqpërdorimit të të dhënave personale, për hapjen e një llogarie false në rrjetin social “Instagram”, rast i kallëzuar nga një 22-vjeçare, banuese në fshatin Picar”,- thuhet në njoftimin e policisë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
