Nënkryetari i Partisë Demokratike, Luçiano Boçi i ftuar në studion e “Panorama TV”, komentoi procesin ndaj liderit të opozitës, Sali Berisha.
Ai tha se ai një proces që nisi politikisht, vazhdoi dhe po merr vendime si i tillë. Sipas tij, vendimet e gjykatave për Berishën kanë referencë politike dhe jo ligjore.
“Një proces që nis, vazhdon dhe merr vendime politikisht. Vendimet e gjykatave kanë referencë politike dhe jo ligjore. Kjo kuptohet mirë që vendimet e gjykatës, kanë tejkaluar ligjin, duke iu referuar politikës. Ndaj Berishës nuk ka asnjë akuzë, por është hapur një hetim si pasojë e një kallëzimi, ndaj këto masa nuk mund të merren ndaj tij. SPAK është organi i akuzës, GKKO është organi që ligjin duhet a këtë busullën kryesore, por ka një koherencë mes tyre dhe këtë lidhje nuk e bën ligji se ashtu do kishte vendime te ndryshme, por ka lidhje politike. Agjende politike e përcaktuar ne zyrat e kryeministri dhe po e zbaton ne mënyrë rigoroze nga SPAK dhe GJKKO”, tha Boçi.
Mandati i Berishës
Dukeqenëse ish-kryeministrit nuk i lejohet pjesëmarrja në seancat plenare për një periudhë kohë të pacaktuar, flitet për mundësinë e humbjes së mandatit, gjë për të cilën Boçi shprehet se në kushte normale Berisha nuk e humb mandatin, por dukeqenëse Rama del mbi ligjin, e rrezikon.
“Deri tani , kemi ardhur nga situata A në X dhe nuk është zbatuar ligji, sepse Berisha duhet të ishte i lirë, Përderisa ligi nuk është zbatuar deri më tanimë nuk pretendoj që ligji do të zbatohet në ZH. Berishës nuk mund ti hiqet mandati, por Rama duke kapërcyer ligjin e bën dhe shoh që ka një qëllim të tillë. Synimi i tyrë është ta nxjerrin nga loja politike, sepse e dinë fuqinë e tij, u pa edhe në zgjedhjet që pa logo, pa gjë dhe morëm 600 mijë vota. Rama kërkon eliminim e opozitës, krijimin e nje miniopozite dhe përdorimin e kësaj të fundit në zgjedhje” shpjegoi ai.
McGonigal
Sa i përket çëshjes së McGonigal dhe nisjes së hetimit nga SPAK, Boçi thotë se Rama duhet të thirret, madje si i pandehur.
“Unë them dhe arsyetoj që Rama duhet të thirret. Në bazë të aferës së korrupsionit dhe blerjes që i është agjentit të FBI nga Rama, ai jo vetëm që duhet të thirret, por të merret i pandehur. SPAK të përcaktoj është hetim në bazë të një dyshimi apo ka një autor. Nëse është i hetuar, pse nuk mund të thotë që ky është në hetim, jo është hapur një cështje, kjo është procedura më e thjeshtë” përfundoi ai.
