Gjykata e Posaçme, ka shtyrë seancën gjyqësore për ish-kryebashkiakun e Kukësit, Safet Gjici, dhe Alma Kaçin. Në seancën e sotme, do të paraqiteshin konkluzionet e mbrojtjes, por seanca është shtyrë për shkak të mungesës së një prej anëtarëve të trupit gjykues.
Në seancën e kaluar, SPAK kërkoi deklarimin e fajshëm të Gjicit për akuzën e “korrupsionit” dhe dënimin e tij me 3 vjet burg. Për të bashkëpandehurën e tij, Alma Kaçi, SPAK kërkoi një dënim me 1 vit burg, po për akuzën e “korrupsionit”.
Ish-kryetari i Bashkisë Kukës u arrestua pas një videoje të publikuar, ku ai shfaqej duke kryer seks oral me një grua, më pas të identifikuar si Alma Kaçi. Disa ditë më vonë, u publikua një version i plotë i videos, ku Kaçi dhe Gjici flisnin për mundësinë që ajo të merrte një tender për kujdesin e qenve të rrugës në Kukës.
