Gjykata e Posaçme e Apelit ka shtyrë sërish seancën gjyqësore për Fredi Belerin.
Beleri kërkon leje të posaçme për t’u betuar në këshillin bashkiak të Himarës. Mësohet se seanca e radhës do të mbahet më 29 janar të këtij viti.
Vetë Beleri ishte i pranishëm në seancë ku tha se betimi nuk është marrja e postit, por respektimi i vullnetit të qytetarëve.
Kujtojmë se kryebashkiaku i Himarës u arrestua në datë 12 maj, dy ditë para zgjedhjeve lokale, nën akuzën “korrupsion aktiv në zgjedhje”.
Ndërkohë po ditën e sotme Fredi Beleri ka një tjetër seancë në orën 13:00. Kjo e fundit bëhet mbi kërkesën e tij për zëvendësimin e masës nga arresti në burg që është aktualisht në një masë më të butë.
