Partizani ka qenë një klub më i mirë se Chelsea në vitin 2023. Këtë nuk e thotë ndonjë tifoz shumë i zjarrtë i të kuqve, por IFFHS, Instituti i Statistikave të Futbollit, i cili në renditjen e vitit 2023, ka vendosur klubin kryeqytetas shqiptar mbi atë të kryeqytetit anglez.
Në renditjen e përpiluar duke marrë për bazë rezultatet që kanë regjistruar klubet nga data 1 janar 2023, deri më datë 31 dhjetor 2023, rezulton se Partizani renditet në vendin e 201-të në botë.
Edhe pse ka pësuar një rënie në krahasim me renditjen e mëparshme ku gjendej në vendin e 178-të, Partizani përsëri klasifikohet më lart se klube shumë të njohura, mes të cilëve edhe Chelsea që gjendet në vendin e 204-t në këtë renditje.
Sa u përket klubet të tjera të Superiores, Tirana mban vendin e 326-të, Egnatia të 353-tin, Vllaznia të 519-in dhe Teuta vendin e 646-të mes atyre që janë në listën e IFFHS.
Ndërkohë, klubi shqiptar që renditet më lart në këtë klasifikim, është padyshim Ballkani i cili mban vendin e 165-të.
Sigurisht, pozicioni i klubeve shqiptare nuk është çudia e vetme në këtë renditje, ku vendin e parë për vitin 2023 e mban Manchester City, i ndjekur nga Real Madrid, Inter.
Pikërisht klubi egjiptian cilësohet i katërti më i fortë për vitin 2023 nga IFFHS, e cila në një tjetër klasifikim, ka renditur Kategorinë Superiore si kampionatin e 41-të në botë, duke lënë pas kampionate të vendeve si Hungaria, Suedia e Rusia.
