Ish-kryeministri Sali Berisha, në një deklaratë për mediat pas daljes nga ambjentet e SPAK, është shprehur se hetuesit nuk kishin asnjë provë kundër tij, dhe se kjo është një betejë politike që synon shpërbërjen e opozitës.
Lidhur me faktin që SPAK nuk e lejon të shkojë në Parlament, Berisha u shpreh se ky është një skenar për ti djegur mandatin. Ai ka hedhur akuza për disa prokurorë të SPAK se kanë lidhje me McGonigal teksa shton se lidhur me këtë PD ka dërguar një dosje pranë SHBA me provat, që do ti bëjë publike në një moment të dytë.
Berisha: Sigurisht ajo është pjesë e skenarit. Ky ishte një akt anti-kushtetues, grup i strukturuar kriminal Dumani-Kraja-Millonai. Ky grup nuk kishte kompetencë për të vendosur për shkuarjen time në parlament. Këtë të drejtë ia njeh gjykatës. Për personat e zgjedhur dispozita përcakton, se mos vajtja e tyre vendoset pas vendimit të prerë të gjykatës. Por këta nuk kanë ligje dhe moral. Kam dijeni të plotë që SKAP-istët kanë pasur lidhje të ngushta me McGonigalin dhe në momente të caktuara do i bëj publike. PD ka dërguar një dosje pranë SHBA me të dhënat që disponojmë.
