Një shtetas shqiptar është arrestuar në Çeki, pasi akuzohet për trafikim të lëndëve narkotike.
Mediat vendase shkruajnë se shqiptari i arrestuar ishte një personazh i njohur për policinë. Ai është kapur duke trafikuar qindra kilogramë kokainë të fshehur mes bananeve. Shqiptari ishte pjesë e një grupi trafikantësh, mes tyre edhe një menaxher i nivelit të lartë te rrjeti i supermarketeve LIDL.
Menaxheri i LIDL thuhet se është i zhytur thellë në trafikun e kokainës, e cila mbërrinte nga Amerika Latine në portin e Hamburgut dhe më pas transportohej drejt Çekisë.
Një zyrtar policor tha se menaxheri i LIDL ka shfrytëzuar pozicionin e tij te rrjeti ndërkombëtar i supermarketeve, ku kishte një ndikim domethënës te logjistika.
Në qershor të këtij viti, autoritetet çeke zbuluan 840 kg kokainë të fshehur mes bananeve në disa supermarkete. Vlera në treg shkonte deri në 80 milionë euro.
