Deputeti i Partisë Demokratike Saimir Korreshi u shpreh se komisioni për Reformën Zgjedhore e ka humbur mandatin e tij që nga 5 tetori dhe se do duhet të kalojë një herë në Parlament.
Përmes një lidhje “Skype” me MCN, Korreshi bëri me dije se opozita do të paraqesë sot platformën e saj, të votuar nga 50 deputetë për Reformën Zgjedhore.
“Nuk është se bllokuam ne komisionin. Të gjithë anëtarët e komisionit që i kanë mandatuar 50 deputetët të opozitës nuk janë thërritur aty. Po t’i hapësh mirë letrat këtij komisioni i ka mbaruar dhe mandati. Këtij që ishte thërritur sot. Ata që kanë votuar 50 deputetët e opozitës, së bashku me aleatët nuk janë thirrur. Nuk ka komision të bërë nga Rama, me anëtarët që do Rama.
Ndërkombëtarët mund të japin qëndrimet e tyre për të na ulur në tavolinë. Pastaj është Kuvendi i Shqipërisë që do ta vendosë atë. Nuk na bëjnë bëjnë dot ndërkombëtarët me një qëndrim, as na rrahin, as na burgosin.
Besoj se brenda ditës së sotme do të jetë në dispozicion platforma jonë.
Do dalim në konferencë për reformën, bashkë me gjithë komisionin e votuar nga 50 deputetët e opozitës.”
Po ashtu deputeti tha se e gjithë opozita po punon që të dalë e bashkuar kundër Ramës në zgjedhjet e ardhshme.
