Një ditë pasi shpalli gjendjen e jashtëzakonshme, si pasojë e motit të keq, situata duket më e qetë në Bashkinë e Fushë-Arrëzit.
Sipas asaj që raportohet në këtë bashki ka nisur puna për hapjen e rrugëve të njësive administrative.Fillimisht do të pastrohet rruga e Iballës dhe me pas do të fillojë puna për pastrimin e rrugëve rurale që lidhin qendrat e njësive me fshatrat.
Bashkia Fushë Arrëz:
– Ne territorin e bashkise Fushe -Arrez situata eshte e qete, po fillon puna per hapjen e rrugeve te njesive administrative.
– Kane mberrituar edhe 2 mjete per perballimin e situates, te mundesuara nga Ministria e Mbrojtjes.
– Fillimisht do te pastrohet rruga e Iballes dhe me pas do filloj puna per pastrimin e rrugeve rurale qe lidhin qendrat e njesive me fshatrat.
Mbrëmjen e kaluar u shpall gjendja e jashtëzakonshme në Fushë-Arrëz, si pasojë e reshjeve të dendura të dëborës, që bllokuan shumë akse rrugore, dhe lanë qindra banorë pa drita.
