Si pasojë e motit të keq shumë qarqe në vend janë mbuluar nga dëbora gjë e cila ka sjell dhe vështërsi në komunikim për shumë banorë.
Kështu si pasojë e reshjeve të të dendura të dëborës, bypass-i i Qafë Murrizës në rrugën e Arbrit, është bllokuar.
Policia njofton se po punohet për hapjen e aksit dhe se lëvizja nga Peshkopia drejt Tiranës do të kryhet nga aksi i vjetër.
Efektivët e uniformave blu thonë se në akset Peshkopi-Maqellarë-Bulqizë dhe Peshkopi-Kala e Dodës-Kukës qarkullimi i makinave bëhet me zinxhirë.
Moti i keq ka sjell dhe vështërsi për banorët e qytetit verilindor Kukës.
Rrjeti i amortizuar elektri i qarkut të Kukësit nuk e ka përballuar dot stuhinë e dëborës.
Për pasojë, 80% e zonave të banuara të kësaj bashkie, kanë mbetur pa energji elektrike që nga nata e së premtes.
Edhe qarki i Elbasanit është mbuluar nga reshjet e dëborës.
Dëbora ka mbuluar dhe aksin rrugor nacional Librazhd-Stebleve por rruga është e kalueshme pa probleme.
Prurjet e lumenjve e përrenjëve nuk paraqesin probleme, gjithashtu dhe furnizimi me energji elektrike.
Reshje dëbore kanë përfshirë dhe Dibrën, që nga ora 4 e mëngjesit.
Trashësia e borës në qytetin e Peshkopisë dhe Bulqizës arrin 10 cm. Në zonat malore trashësia është më e madhe, varion nga 15-20 cm.
Rruga Peshkopi – Tiranë është e kalueshme pasi mjetet borëpastruese kanë kaluar dhe e kanë hapur.
Qarku tjetër i përfshira nga reshjet e dëborës është dhe Shkodra duke krijuar vështirësi në qarkullimin e mjeteve.
Policia bën me dije se si pasojë, aksi rrugor Bogë-Qafë Thore, është bllokuar. Borëpastrueset po punojnë për hapjen e këtij aksit.
Reshjet e dendura të borës, bllokohet rruga në Qafë Murrizë
Aksi rrugor Kir-Mali i Shoshit i kalueshëm me zinxhirë.
Aksi rrugor Pukë – Fushë Arrëz i kalueshëm me zinxhirë.
Aksi rrugor Fushë Arrëz- Iballë është i bllokuar.
Fushë Arrëz – Qafë Mali – Fierzë- lëvizja e mjeteve kryhet me zinxhirë.
