Deputeti i PD-së, Lulzim Basha është zënë ngushtë gjatë konferencës me gazetarët kur është pyetur se pse asnjë prej ambasadorëve në Tiranë nuk e ka takuar në cilësinë e kryetarit të partisë. Basha tha se i takon ambasadorët, por privatisht, teksa u justifikua me arsyen se nuk i përmend emrat, pasi nuk i shfrytëzon informacionet për interesin mediatik.
Ndërkohë, tre ditë më parë selitë më të rëndësishme diplomatike në Tiranë reaguan në bllok në mënyrë të koordinuar, për të përgënjeshtruar Lulzim Bashën se ato kishin bërë rolin e ndërmjetësit me ngulmimin e tij, për t’i ulur në tryezë për reformën zgjedhore. Por në mënyrë të çuditshme, Basha edhe k♪7të e konsideroi si të pavërtetë dhe se gajaset me këto gjëra.
Pyetje: Asnjë ambasador nuk iu ka takuar në cilësinë e kryetarit të PD?
Basha: Ku e di ti që s’më ka takuar?
Gazetari-Po ma bëj publik një takim me një ambasador
Basha: Dje më ka takuar
Pyetje: Cili ambasador?
Basha: Është informacion që nuk e shfrytëzoj për interes mediat. Është një nga ambasadorët më të rëndësishëm, para katër ditësh… para gjashtë ditësh. PD ka marrëdhënie 100% të shëndosha me faktorin ndërkombëtar.
Pyetje: Ju përgënjeshtruan ambasadorët për Reformën Zgjedhore?
Basha: Nuk është e vërtetë… Qesh gajasem me këto… A e tha Basha ndërmjetësim apo nuk e tha. Nuk i shkoj pas përpjekjes për të na hequr nga interesi publik. Debati është votimi elektronik, votimi elektronik, Shqipëria një zonë. Debati sot është e lagu s’e lagu bishtin macja apo daci.
