Deputeti i PD-së Lulzin Basha ka denoncuar gjatë konferencës për mediat një tentativë të kryeministrit Edi Rama për të goditur dhe kontrolluar SPAK-un.
Sipas tij, Rama do e bëjë këtë gjë përmes ngritjes së një komisioni të ashtuquajtur i të Drejtave të Njeriut që shkelen nga institucionet e drejtësisë. Basha tha se ky model është prodhuar në Rumani dhe është diskutuar në nivelet e larta të socialistëve.
“Tani që SPAK po nis të godasë pandëshkueshmërinë historike të korrupsionit të kësaj qeverie, qeveria ka nxjerrë nga sirtarët një qasje prodhuar në Rumani për të kontrolluar dhe goditur SPAK-un dhe reformën në drejtësi përmes një komisioni të ashtuquajtur i të Drejtave të Njeriut që shkelen nga institucionet e drejtësisë. Uroj që ky informacion të jetë i gabuar. Mirëpres dhe dua të përgënjeshtrohem por nëse nuk është e gabuar dhe një cështje e tillë është diskutuar këtë javë në nivelet e larta të politikbërësve socialistë dua ti siguroj ata që PD-në do ta kenë 100% në bllok kundër iniciativës së tillë. Manovrat nuk kanë ndalur. Nëse po mendohet nga PS për tiu kundërvënë fuqisë goditëse të SPAK e institucioneve të drejtësisë mund të llogarisim kundërshtimin e PD. Roli i parlamentit nuk është ti mbivendoset Strukturët antikorrupsion. Roli i vetëm i politikës është të jetë në dispozicion të drejtësisë. “ – tha Basha.
