Një aksident është regjistruar mbrëmjen e kësaj të premte në Lushnje. Një automjet tip “Benz”, ka dalë nga rruga dhe ka përfunduar në një kanal. Si pasojë ka mbetur i plagosur rëndë drejtuesi i mjetit, shtetasi Elnis Allkanjari, rreth 40 vjec.
Mësohet se është dashur ndërhyrja e zjarrfikësve për ta nxjerrë nga mjeti. I plagosuri është nisur drejt spitalit, në gjendje të rëndë.
“Rreth orës 20:20, në fshatin Zhymë, shtetasi E. A., duke drejtuar automjetin tip “Volksëagen”, ka humbur kontrollin mbi drejtimin e automjetit dhe për pasojë automjeti ka dalë nga rruga.
Si pasojë e daljes nga rruga, është dëmtuar shtetasi E.A., i cili ndodhet në spital, në kujdesin e mjekëve”,- njofton Policia.
Grupi hetimor po punon për zbardhjen e plotë të shkaqeve të aksidentit.
