Rasti i paprecedentë i ndodhur në Shqipëri me gazetarin e Kronikës së Zezë pranë “Ora News” Elton Qyno, të cilit prokuroria e posaçme SPAK i bëri kontroll fizik, kontroll banese, kontroll makine dhe kontrollin e ambjentit të zyrës, duke i sekuestruar çdo të dhënë elektronike dhe dokumenta puna, është marë në shqyrtim nga Gjykata (Komiteti) i të Drejtave të Njeriut që vepron pranë Selisë së Organizatës së Kombeve të Bashkuara në Gjenevë të Zvicrës.
Ky komunitet gjyqtarësh që veprojnë në OKB, ndërmori një masë pezulluese duke detyruar prokurorinë e Posaçme SPAK të përmbahet dhe ndalojë kryerjen e çdo veprimi apo inspektimi, shpërndarje ose përpunimi gjyqësor të mëtejshëm të materialit të sekuestruar ndaj gazetarit Elton Qyno.
Komuniteti i gjyqtarëve, shprehet se ndërkohë çështja e rastit Qyno është rregjistruar pranë gjykatës së OKB-së dhe aktualisht është në shqyrtim nga ana e komitetit.
Vendimi i komunitetit është marë ditën e djshme në 17 janar 2024 në Gjenevë të Zvicrës, ndërsa vendimi për pezullimin e çdo veprimi nga SPAK mbi paisjet e gazetarit Qyno, u është shpërndarë palëve nga Ibrahim Salama, i cili është Shefi i Degës së Traktateve të Drejtave të Njeriut, pranë këtij Komiteti në selinë e OKB-së.
Përmes këtij vendimi të marë nga gjykata më prestigjoze e Kombeve të Bashkuara në Gjenevë, SPAK detyrohet të mos prekë dhe të mos hapë apo qoftë dhe të ekspertojë paisjet e punës, familjare dhe dokumentat e sekuestruara tek banesa, makina dhe të vendi i punës i gazetarit Elton Qyno.
Kjo është një masë e qartë parandaluese që frenon prokurorët e SPAK të hapin paisjet dhe kontrollojnë çdo material të sekuestruar tek gazetari. Madje edhe për materialet që ka mundur ti aksesojë SPAK, komiteti i gjyqtarëve shprehet se prokuroria nuk mund ti përdorë vetë dhe as ti shpërdajë apo ti bëjë pjesë e ndonjë përpunimi gjyqësor.
Njëherësh vendimi i Komitetit të të Drejtave të Njeriut pranë selisë së OKB-së, qartëson se rastin Qyno do e ndjekë në vijim duke lënë afate konkrete ndaj Shtetin Shqiptar, për të dhënë prapësime ndaj këtij rasti të paprecedentë të ndodhur me gazetarin Shqiptar, Elton Qyno.
Ky është rasti i dytë brenda pak kohë që prokuroria speciale SPAK në Shqipëri, ndërmer veprime antiligjore, antikushtetuese dhe që bien ndesh me praktikat ndërkombëtare për rastet e lirisë së medias dhe shprehjes së tyre.
Rasti i parë ndodhi me precedentin e Lapsi.al, të administruar nga Andi Bushati dhe Armand Shkollaku, ku SPAK tentoi ti sekuestrojë paisjet elekronike, por që u ndalua menjëherë nga gjykata e Strasburgut.
Dhe rasti i dytë është preceedenti i rezikshëm me gazetarin e ”Ora News” Elton Qyno, i cili u mbajt i mbyllur për mbi 7 orë në SPAK duke i bërë presion për të treguar burimin e informacionit që kishte botuar.
Gazetari i qëndroi dhe nuk ju dorëzua këtij presioni, duke refuzuar të dorëzojë dhe telefonat e tij. Por teksa gazetari mbahej i mbyllur në një zyrë të Byrosë Kombëtare të Hetimit, Gjykata e Posaçme SPAK brenda 50 minuta lëshoi 3 vendime gjyqësore duke lejuar sekuestrimin e të gjitha të dhënave kompjuterike dhe elektronike të gazetarit Qyno.
Paisjet u sekuestruan gjatë kontrollit fizik, kontrollit të banesës, kontrollit të makinës dhe kontrollit të vendit të punës.
