Personi që shihni në fotot e mëposhtme është i riu i cili humbi jetën në aksidentin tragjik të regjistruar mëngjesin e djeshëm te kthesa e Rinasit në drejtim të Fushë-Krujës. Viktima është 32-vjeçari Gëzim Rizani nga komuna e Lipjanit të Kosovës.
Ai ishte duke drejtuar një automjet tip “Skoda” në momentin kur u përplas me makinën tip “Benz”, me drejtues shtetasin A. B., 53 vjeç, dhe me kamionin “Volvo”, me drejtues shtetasin A. R., 45 vjeç. Si pasojë e aksidentit mbetën të plagosur edhe tre pasagjerë që ndodheshin në të njëjtin automjet me viktimën, të cilët ndodhen në spital.
Shkak për aksidentin dyshohet se u bë një parakalim i gabuar nga ana e 32-vjeçarit Gëzim Rizani. Grupi hetimor po punon për zbardhjen e rrethanave të aksidentit tragjik.
