Teksa ditën e nesërme (e hënë) rinis aktiviteteti parlamentar, deputeti i PD-së Luan Baçi është shprehur se aksioni opozitar në Kuvend do të vazhdojë. I ftuar në Syri Tv, Luan Baçi gjithashtu shtoi se po tenton të izolohet opozita dhe jo Sali Berisha si kreu i saj.
Sipas deputetit demokrat, Rama duket i vendosur në realizimin e qëllimi të tij për eliminimin e opozitës dhe emërimin më pas të një opozite fallco.
“Vazhdon aksioni siç e dini sot është dita e 14-të që ne do të jemi përsëri në këtë tubim, proteste, solidarizim, apo mund t’i vëmë çfarëdo lloj emri të doni. E them këtë për arsye se ne do vazhdojmë aksionin tonë opozitar me të gjitha format mënyrat dhe mjetet. Nuk do të jetë vetem kjo forma e vetme po këto ditë kanë qenë ditët e pushmeve, parlamenti mblidhet ditën e hënë dhe ne patjetër, është kaoza jonë , ky izolim që i është bërë liderit të partisë demokratike professor doctor Sali Berishës. Nuk është izoluar Sali Berisha, por tentohet të izolohet opozita duke goditur kryetarin e saj, goditet opozita, goditet gjithë populli opozitar dhe në këtë sipërmarrje në këtë askion tonin që do jetë i vazhdueshëm ne do vazhdojmë në përditshmëri pa e ndërprerë asnjë dit. Patjetër, kjo do jetë e bashkangjitur edhe me aksionin opozitar të grupi parlamentar në parlament.
Ditën e hënë në orën 17:00 hapet parlamenti , nuk kemi parë nga mazhoranca asnjë lloj reflketimi gjatë kësaj kohe ndaj kërkesave të opozitës , përkundrazi kemi parë një përshkallëzim të qëndrimit negative të kryeminsitrit. Pra, një kryeministër që del ne konferencë shtypi dhe fillon të shantazhojë më shumë akoma se çe ka bërë opozitën. Vazhdon akoma me retorikën e tij të ashpër, si një autokrat dhe duke marrë gjënë shumë sensibël, bën presion, duke thënë se reformën zgjedhor do ta bëj, do ta bëj i vetëm, do të gjej format, mënyrat, sipas mënyrave dhe metodave që ka përdorur shpesh herë ai. Mendoj se Rama është i vendosur në rrugën e tij për bllokimin e opozitës, në rrugën për të mohuar të drejtat e opozitës, në rrugën e tij për ta eleminuar opozitën dhe për të realizuar qëllimin e tij tashmë të shfaqur hapur, të emërimit të një opozitë fallco.” – u shpreh Luan Baçi.
