Një aksident ka ndodhur mesditën e kësaj të premte në aksin rrugor Levan – Tepelenë.
Një makinë është përplasur me një motor në rrethana ende të paqarta. Si pasojë e përplasjes ka mbetur i plagosur drejtuesi i motorit.
“Rreth orës 12:15, në aksin rrugor “Levan-Tepelenë”, në vendin e quajtur “Kryqëzimi i Fratarit”, automjeti tip “Volkswagen”, me drejtues shtetasin H. K., është përplasur me automjetin me drejtues shtetasin B. Ll.
Si pasojë e përplasjes është dëmtuar drejtuesi i motomjetit i cili ndodhet në spital, në kujdesin e mjekëve”,- njofton Policia.
Grupi hetimor po punon për përcaktimin e shkakut të aksidentit.
