Drejtoresha e Kadastrës, Dallëndyshe Bici, ka refuzuar zyrtarisht mandatin e deputetes, për plotësimin e vendit vakant në Kuvend, pas ndërprerjes së mandatit të ish-zv.kryeminiostrit Arben Ahmetaj, i cili ndodhet në arrati prej më shumë se 6 muajsh.
Bici i është drejtuar ditën e sotme me një shkresë Komisionit Qëndror të Zgjedhjeve, ku i bën me dije se nuk do të vazhdojë procedurën e betimit për mandatin e deputetit dhe se dëshiron të vazhdojë punën në Institucionin e Kadastrës.
“Me shkresën nr. 43/1 prot., date 9.1.2024 me lëndë “Njoftim për dorëzim dokumentacioni”, për të cilën kam marrë dijeni në datë 10.1.2024, jam njoftuar për depozitimin e formularit të vetëdeklarimit pranë Komisionit Qendror të Zgjedhjeve.
Nga sa më sipër, ju bëj me dije se nuk do të vijoj procedurat ligjore përkatëse për marrjen e mandatit të deputetit në Kuvendin e Shqipërisë, për shkak të angazhimit tim në detyrën funksionale që ushtroj aktualisht në institucion qëndror”, shkuan ajo në shkresën depozituar KQZ.
Siç duket, Dallëndyshe Bici, para rrogës së deputetes, preferon më shumë të drejtojë Kadastrën, institucion i cilësuar si çerdhe korrupsioni, madje dhe nga vetë kryeministrit Edi Rama në daljet e tij publike.
Sipas votave preferenciale të kandidatëve në zgjedhjet parlamentare të vitit 2021, mandati i Arben Ahmetajt i kalonte Dallëndyshe Bicit, e cila arriti të merrte 4977 persona. Por, tani që ajo e refuzoi, madati i lënë vakant nga Ahmteaj, i kalon Plarent Ndrecës, i cili në vitin 2021 arriti të merrte 4008 persona.
