Gjykata e Posaçme kundër Korrupsionit dhe Krimit të Organizuar ka kaluar për gjykim çështjen ndaj kryebashkiakut socialist të Kuçovës, Kreshnik Hajdari.
Vendimi është marrë këtë të mërkurë, teksa mbi Kreshnik Hajdarin rëndon akuza për “falsifikimi i vulave, i stampave ose i formularëve”, pasi kishte gënjyer në formularin e dekriminalizimit, ër shkak se nuk kishte deklaruar për dënimin në Greqi. Në të njëjtin, vendim GJKKO pranoi gjykimin e shkurtuar për kryebashkiakun Hajdarin.
Gjithashtu ai është kallëzuar në SPAK nga ish-deputeti i PD-së Lefter Maliqi dhe banorë të Sinecit në Kuçovë për abuzime në tendera.
Maliqi foli për mediat pas seancës duke u shprehur se kemi të bëjmë me një grup të strukturuar kriminal që ka vjedhur taksat në Kuçovë për vite me rradhë. Në një tender janë grabitur 4 miliardë lekë, sipas Maliqit dhe banorët janë lënë pa ujë.
Maliqi shton se SPAK duhet ta marrë në hetim Hajdarin edhe për këto shkelje dhe jo vetëm për deklarimin e rremë në formularin e dekriminalizimit.
“Gjykata e Psoaçme ka njoftuar policinë e shtetit dhe policia ka njoftuar Hajdarin dhe nuk ka ardhur sot. Kallëzimi është bërë nga ana ime dhe e banorëve të Sinecit. Bëhet fjalë për një grup të strukturuar kriminal që ka vjedhur taksat për disa vjet. Kemi tender 4 miliardë lekë. Pa leje mjedisi, të marra të gjitha lekët nuk ka ujë. Në këtë grup nuk bëhet fjalë vetëm për Hajdarin por edhe për Salillarin. Të gjitha lekët janë marrë, ujë nuk ka. SPAK e merr vetëm për deklarim dhe falsifikim. Janë mbi 13 miliardë lekë abuzime në bashkinë Kuçovë të drejtuar nga ish faturino Salillari bashkë me Hajdarin e famshëm. Nuk bëhet fjala vetëm për interesin tim, por të të gjithëve.”- tha Maliqi.
